العلاقمـــة - ههيـــا - شرقية
نـــــــــورت المنتـــــــدى

اضحك وانسى .......

اذهب الى الأسفل

اضحك وانسى .......  Empty اضحك وانسى .......

مُساهمة من طرف Ahmed Khairy في السبت أبريل 16, 2011 7:37 pm

نكت جديدة



مين اللى حرر المصريين؟

أكيد

أكيد

أكيد

اللى قفل المروحه



----------------------------------------------------------------------------------------------------------------------

واحده بتسأل شيخ: هى عدة المطلقة إيه؟

قال لها Nokia N73
--------------------------------------------------------------------------------------------------------------------

لو حسيت إن الدنيا ضلمه

إذكر الله

لو حسيت إنها لسه ضلمه

قوم صلى ركعتين

ولو حسيت إنها ضلمه

ما تستغباش وقوم ولع النور

----------------------------------------------------------------------------------------------------------------------------

واحد بيعيط فى جنازة مراته

سألوه: بتحبها؟

قال: لأ ... بس سمعت إن البكا بيعذب الميت
------------------------------------------------------------------------------------------------------------------------

ثلاثة أندال بيتنافسوا مين أندل واحد فيهم

لقيوا ست عجوزة ماشيه على عكاز

- الأول: خد العكاز منها فوقعت

- الثانى: خد العكاز وضربها بيه

- الثالث: قعد يضحك سألوه: بتضحك ليه؟

قالهم: أصل الست اللى انتوا بتضربوها دى تبقى أمى
---------------------------------------------------------------------------------------------------------------------
صعيدى دخل الجيش

زميله بيسأله: إنت منين؟

قاله: أنا من دشنا، وانت كمان من دشنا؟

قاله: لأ ...



راح ضربه بالنار

وقال: تبقى من ديش العدو.
-----------------------------------------------------------------------------------------------------------------------
مساطيل عاملين ندوة ثقافية كبرى بعنوان:

" نجيب محفوظ ولا ما نجيبوش"
---------------------------------------------------------------------------------------------------------------------

عروسه رفيعه

ليلة فرحها لفوها بجرايد عشان تتخن

العريس دخل عليها كل ما يفتح جورنال يلاقى جورنال

اتصل بحماته وقالها: هى العروسه صفحة كام؟

---------------------------------------------------------------------------------------------------------------------
سألوا مصرى: ليه المصريين بيحلفوا كثير؟

قال: طب والله العظيم دى إشاعه

قسماً بالله ده افترى

والمصحف ما صحيح

وعهد الله ده ظلم

وربنا احنا مش كده.
------------------------------------------------------------------------------------------------------------------------

مثقف ركب الطياره فقال للمضيفه
This is no talking,
student one tea from clock
بالمصرى: ده مش كلام أنا طالب واحد شاى من ساعه

-----------------------------------------------------------------------------------------------------------------------------
بشرى ساره لأعزائنا الطلبة والطالبات من فودافون

لو اتزنقت فى سؤال ممكن تبعت رسالة غششنى شكراً

فقط اطلب *868*برشام#
-------------------------------------------------------------------------------------------------------------------------
عملوا مسابقه

"مين اللى يقدر يقعد سنه ياكل نفس الأكله"

الفرنساوى قال لهم هاتوا لى طن بطاطس

اليابانى قال لهم هاتوا لى طن رز

بلدياتنا قال لهم: هاتوا لى سيجاره

وبعد سنه

فتحوا الباب على الفرنساوى لقوه مات

فتحوا الباب على اليابانى لقوه مات

فتحوا الباب على بلدياتنا قال لهم هاه جبتوا الولاعه؟
-------------------------------------------------------------------------------------------------------------------------------

واحده ساكنه عند محطة قطر

كل ما يعدى القطر درفة الدولاب تقع

فجابت النجار يشوف الدرفة

دخل جوزها من بره على فجأه وفتح الدولاب

لقى الراجل قاعد فى الدولاب

قاله: نهارك اسود، بتهبب ايه هنا يابن الكلب؟

قاله: لو حلفت لك انى قاعد مستنى القطر هاتصدقنى

-------------------------------------------------------------------------------------------------------------------------
لو عايز تروح القمر ومعاكش غير جنيه تعمل ايه؟
؟
؟
؟
؟
تعمل مصيبه سياسيه توديك ورا الشمس
ومن هناك تاخد توكتوك بجنيه للقمر
--------------------------------------------------------------------------------------------------------------------------

مسطول عنده حسنة فوق عينه وقف قدام المرايا يقول ياربى عين دى ولا غين



--------------------------------------------------------------------------------------------------------------------------------------------------------------------------------------------------------





ظابط مسك عيل بيشم قاله هو الشمام الصغير اسمه ايه قاله كنتلوب ياباشا


---------------------------------------------------------------------------------------------------------------------------------------------------------


واحد بيسال شيخ لو شوفت اسد وانت بتصلى تكمل ؟ قاله لو فضلت على وضوئى اكمل



----------------------------------------------------------------------------------------------------------------------------------------------------------------------------------------------



واحد عصبى جدا بيقول لمراته احكيلك قصة مش هتصدقيها

وهتقولى عنى كداب بس انا مش كداب انتى اللى كدابة

انتى وعيلتك كدابين يا ولاد الكلب

يلعن ابوكى على ابو عيلتك روحى انتى طالق

---------------------------------------------------------------------------------------------------------------------------------------------------------------------------------------------------------





واحد بلدياتي بعت لامه علبة كبريت
قالتله مش شغالة
قالها ازاي انا مجربهم واحد واحد
-------------------------------------------------------------------------------------------------------------------------------------------------

جماعة بلدياتي قاعدين فى خيمة وعاوزين يولعوا عشان يطبخوا
بعتوا واحد يجيب كبريت
خرج من باب الخيمة ودخل من الباب اللي ورا
قالهم عندكوا كبريت
قالولوا اقعد بعتنا نجيب

-----------------------------------------------------------------------------------------------------------------------------------------------------
بلدياتي بيعاكس واحدة في التليفون
قالتله شكلك صعيدي
قالها ينعل ابوخاش اظهار الرقم ديه

----------------------------------------------------------------------------------------------------------------------------------------------------

صعيدي سال اجنبي
انت مرتبك كام
قاله 1000 دولار بدل معيشة
دولار بدل سفر 1000
دولار بدل تغذية 1000
....... دولار بدل 1000
قاله وانت
قاله 200 جنيه
وسكت
الاجنبي قاله دا بدل اية
الصعيدي قاله بدل ما امد ايدي عليك
-----------------------------------------------------------------------------------------------------------------------------------------------------------


بلدياتي كشف نظر جاب 6 علي 6
قال لصاحبه كنت هاجيب اكتر
بس الدكتور وترني
--------------------------------------------------------------------------------------------------------------------------------------------------




بخيل حبتين
وعلي فراش الموت
بيقول لولادوا:
يا محمد قاله اناهنا يا بابا
يا مني انا هنا يا بابا
يا سعاد انا هنا يابابا
امكوا فين يا ولاد
اناهناياحاج
قالهم لما انتوا كلكوا هنا يا ولاد الكلب
سايبين نور الصالة والع ليه؟؟



-----------------------------------------------------------------------------------------------------------------------------------------------------------

بلدياتي من دمياط دبح خروف
عمل اللحم كباب حلة
والراس شوربة
والرجول كوارع
والجلد سجادة صلاة
ومخلفات المعدة سماد للزرع
والعظم طحنه علف للدواجن
حتي صوت الخروف
سجله قبل الدبح وعمله رنة للموبايل



--------------------------------------------------------------------------------------------------------------------------------------------------------------
بلدياتي بخيل راح يزور امه ف المستشفي
لقي الباب مكتوب عليه ادفع
قال ربنا يقومك بالسلامة يا حاجة
اجيلك لما ترجعي البيت ان شاء الله بالسلامة



--------------------------------------------------------------------------------------------------------------------------------------------------------------
واحد صعيدى حب يطور طيارة هليكوبتر
شال المروحة وركب تكييف



-----------------------------------------------------------------------------------------------------------------------------------------------------------------------------------------------------------



اتنين مساطيل ركبوا أتوبيس بدورين
اللى فوق سأل اللى تحت انتوا ماشين بسرعة كام؟
قالوا 80, وانتوا؟
قاله السواق لسه مجاش


----------------------------------------------------------------------------------------------------------------------------------------------------------------------------------

صعيدى خلف ولد فصام يومين لله
الولد مات, قال على الطلاق لاخصمهم من رمضان


-------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------
واحد راح مستشفى المجانين لقي كل المجانين عماليين ينطوا ويقولوا إحنا فشار!
لقى واحد قاعد على جنب
قال بس هو ده العاقل اللى فيهم
قاله انت قاعد ليه كده؟
قاله
سيبنى دلوقتى
انا لازق فى الحلة


----------------------------------------------------------------------------------------------------------------------------------------------------------------------------------


مسطول بيقول لصاحبه عايزين نطلع فنانين
انت فنان تشكيلى
وانا فنان اشكيلك

----------------------------------------------------------------------------------------------------------------------------------------------------------------------------------

قطة سكرانة ماشية تقول
الله يخرب بيت الحشيش وسنينه هيا كانت ماو ولا ناو

----------------------------------------------------------------------------------------------------------------------------------------------------------------------------



واحد صعيدي روحه بتطلع الشيخ قاله
قول الشهادة بسرعة
قالوا (دبلوم صنايع)

----------------------------------------------------------------------------------------------------------------------------------------------------------------

مرة واحد راح مكة ووقف امام الكعبة وقال
يارب اغفر لى عن كل كلمة حكيتها عن الصعايدة وانى اتوب اليك توبة صادقة وفجأة جاله واحد صعيدى من وراه وسأله
هيا القبلة منين؟
قال شفت يارب ماجى اتوب هما اللى بينكوشونى


----------------------------------------------------------------------------------------------------------------------------------------------------------------------


واحد اتصل بواحد صاحبه وقاله
انا عارف ان الوقت مش وقت رسالة بس الموضوع مهم وقلقنى ومش مخلينى عارف اركز ولولا ثقتى الكبيرة فيك مكنتش سألتك
هيا الطيارة فيها كلاكس؟

---------------------------------------------------------------------------------------------------------------------------------------------------------------------------

طلبة جامعه مساطيل بيكتبوا محاضرة ورا دكتور
كل مايمسح السبورة يقطعوا الصفحة


-------------------------------------------------------------------------------------------------------------------------------------------------------------------------
واحد بينسى....... الدكتور قاله روح حج يمكن تخف
راح حج وهو راجع بيفكر نفسه
حج وحجينا
طواف وطفنا
سعى وسعينا
عرفة ووقفنا
ناسى ايه تانى يابطرس؟؟؟

------------------------------------------------------------------------------------------------------------------------------------------------------------------------



واحد كسب مليون جنيه راح لمراته يفرحها فماتت من شدة الفرحة قال :
سبحان الله الخير لما بيجى بيجى مرة واحدة

_________________
نحن نكابد اشواقا لا حصر لها .. لتقودنا في النهاية الى الشوق الذي لا شوق بعده.. فاعشق الله يغنك عن كل شيء
Ahmed Khairy
Ahmed Khairy
Owner & Founder
Owner & Founder

عدد المساهمات : 322
تاريخ التسجيل : 13/03/2011
العمر : 31
الموقع : https://www.facebook.com/Ahmed.Khairy.Gebreel
المزاج : الحمد لله

http://alakma.hooxs.com

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى